კომპანია დღეს

"კახური ტრადიციული მეღვინეობა" დღესდღეობით ღვინისა და ბრენდის მწარმოებელი ერთ-ერთი მსხვილი კომპანიაა საქართველოში. იგი მსოფლიოს მრავალ ბაზარზე აწარმოებს თავისი პროდუქციის ექსპორტს და რამდენიმე ქვეყანაში წლების განმავლობაში გაყიდვების ლიდერის პოზიციას ინარჩუნებს.
კომპანიამ თანამედროვე ტექნოლოგიებისა და კახური მეღვინეობის უძველესი ტრადიციების შერწყმით შეძლო შეენარჩუნებინა ღვინის ძველი უნიკალური გემო და, ამასთან ერთად, შეექმნა თავისი ახალი განუმეორებელი სტილი.
"კახური ტრადიციული მეღვინეობის" წარმოების ღვინო ისხმება როგორც იტალიური შუშის ბოთლში, ასევე ტრადიციული მეთოდით დამზადებულ თიხის ჭურჭელში. თიხის ჭურჭელი ღვინოს აძლევს უნიკალურ სამკურანლო თვისებებს, აკეთილშობილებს მის გემოვნურ თვისებას.
კომპანია ღვინის თიხის ჭურჭელში ჩამოსხმის ნოვატორია საქართველოს ბაზარზე. თითოეული თიხის ჭურჭელი უნიკალურია, ხელითაა დამზადებულია და აქვს განსაკუთრებული დიზაინი, რომელიც ექსკლუზიურად იქმნება ჩვენი კომპანიისთვის. ამგვარმა თიხის ჭურჭლებმა “თამადამ”, “ალავერდმა”, “ტაძარმა” და “დიოსკურიამ” მომხმარებელთა ყველაზე დიდი მოწონება დაიმსახურა.